რა უნდა ვიცოდეთ შეფასების პროცესთან დაკავშირებით?

არის თუ არა ეს ტრენინგი ჩემთვის?

ინტენსიური ტრენინგი შეფასების პროცესში განკუთვნილია ფინანსური
მენეჯერებისათვის, ბუღალტრებისათვის, ფინანსური პროფილის
განყოფილებების თანამშრომლებისა და სხვა პროფესიის
წარმომადგენლებისათვის, რომლებსაც ქონიათ ან/და მომავალში ექნებათ
სამსახურეობრივი შეხება შეფასების პროცესთან და პოტენციურად
მოუწევთ შემფასებლის მომსახურებით სარგებლობაზე გადაწყვეტილების
მიღება.

ტრენინგის მონაწილეებს შესაძლებლობა ექნებათ გაიღრმავონ ან
შეიძინონ უნარები შეფასების პროცესის სწორად დაგეგმვისა და
წარმართვისათვის, შემფასებლებთან ეფექტური კომუნიკაციისა და
მიღებული მომსახურების ხარისხობრივი მახასიათებლების
შეფასებისათვის.

ტრენინგის ფარგლებში განსაკუთრებული ყურადღება დაეთმობა
ფინანსური ანგარიშგების მიზნებისათვის სამართლიანი ღირებულების
განსაზღვრის თეორიულ და პრაქტიკულ ასპექტებს. მონაწილეებს
შესაძლებლობა ექნებათ თეორიული ცოდნის მიღებასთან ერთად გაეცნონ
კონკრეტულ ქეისებსა და არსებულ გამოცდილებას.

რას ვისწავლი?

•  გაეცნობით შეფასების პროცესის მარეგულირებელ საკანონმდებლო
  ჩარჩოსა და სტანდარტებს;
•  გაეცნობით საშემფასებლო პროცესში გამოყენებად ტერმინოლოგიასა
  და ცნებებს;
•  გაიგებთ რა კრიტერიუმებს უნდა აკმაყოფილებდეს შეფასების
  ანგარიში;
•  შეძლებთ სწორად დაუსახოთ შემფასებელს შესასრულებელი ამოცანა;
•  შეძლებთ სწორად დაგეგმოთ და მართოთ საშემფასებლო პროცესი;
•  გაეცნობით შეფასების პროცესის პრაქტიკულ ასპექტებს;
•  შეძლებთ დამოუკიდებლად განსაზღვროთ როდის გჭირდებათ
  შეფასება ან გჭირდებათ თუ არა საერთოდ;
•  შეძლებთ განსაზღვროთ, შეფასების კონკრეტული მიზნობრიობისას
  ვისგან სჯობია საშემფასებლო მომსახურების მიღება;
•  შეძლებთ წინასწარ განსაზღვროთ და აირიდოთ შეფასების პროცესთან
  დაკავშირებული მოსალოდნელი სირთულეები;
•  შეძლებთ დამოუკიდებლად შეაფასოთ შემფასებლის ანგარიშის
  შესრულების ხარისხობრივი მახასიათებლები;

ჩვენ გთავაზობთ:
16 საათიან (3 კვირა) ინტერაქტიულ კურსს 15-17 კაციან ჯგუფებში;
SavvY Education-ის საზოგადოების წევრობას;
ტრენინგზე გავლილ სასწავლო მასალებს;
ცოდნის დონის შესამოწმებელ ტესტს;
ორენოვან სერტიფიკატს;
შესვენებას ყავაზე;

ტრენინგის განრიგი:

• ჯგუფი 1: 13 აპრილი- 30აპრილი-ორშაბათი-პარასკევი-18:00-21:00;
• ჯგუფი 2: 3 დეკმებრი 20 დეკემბერი; ორშაბათი 19:00 – 22:00; ხუთშაბათი 19:00 22:00;

ტრენინგს გაუძღვებიან:

ვალერი კვარაცხელია – მინიჭებული აქვს ბიზნესის ადმინისტრირების მაგისტრის
ხარისხი, დროის სხვადასხვა პერიოდში სწავლობდა ეკონომიკის საერთაშორისო
სკოლასა(ISET) და თბილისის სახელმწიფო უნივერსიტეტში. აქვს საშემფასებლო
პროცესებში მონაწილეობის 6 წელზე მეტი გამოცდილება. 5 წლის მანძილზე მუშაობდა
შემოსავლების სამსახურის განსხვავებულ სტრუქტურულ ერთეულებში, 2016 წლიდან
კი საქართველოს მასშტაბით ერთ-ერთი წამყვანი ბიზნეს ჯგუფის შეფასების სამსახურის
სპეციალისტია. აქვს აუდიტორულ კომპანიებთან, საგამოძიებო და საგადასახადო
ორგანოებთან, საშემფასებლო საქმიანობასთან დაკავშირებული, პროფესიული
კომუნიკაციის გამოცდილება. ფლობს აკრედიტირებული სასერტიფიკაციო ცენტრის
მიერ გაცემულ უძრავი და მოძრავი ქონების შემფასებლის შესაბამისობის
სერტიფიკატებს.

სოფიო ხიდეშელი – მინიჭებული აქვს ბიზნესის ადმინისტრირების ბაკალავრის ხარისხი.
2010 წლიდან მუშაობს ლევან სამხარაულის სასამართლო ექსპერტიზის ეროვნულ
ბიუროსა და შემოსავლების სამსახურის სხვადასახვა სტრუქტურულ განყოფილებებში
ექსპერტ-შემფასებლის პოზიციაზე. 2016 წლიდან კი საქართველოს მასშტაბით ერთ-
ერთი წამყვანი ბიზნეს ჯგუფის შეფასების სამსახურის ხელმძღვანელია. აქვს
აუდიტორულ კომპანიებთან, საგამოძიებო და საგადასახადო ორგანოებთან,
საშემფასებლო საქმიანობასთან დაკავშირებული, პროფესიული კომუნიკაციის
გამოცდილება. ფლობს შემფასებლის, აკრედიტირებული სასერტიფიკაციო ცენტრის მიერ
გაცემულ, შესაბამისობის სერტიფიკატებს.